Заради убавото време и пристапните цени, викендов Дојран вриеше од гости, излетници и туристи (фото)

3171

Илјадници гости, излетници и туристи викендов престојуваа во Дојран. Се бараше место повеќе за паркинг а во угостителските капацитети столче повеќе за да се вкусат дојранските специјалитети. Од обиколката речиси сите капцитети се придржуваа на правилата заради спречување на ширење на коронавирусот како и на распоредот на лежалките. Но очигледно беше дека дел од посетителите не ја почитуваа физичката дистанца и групирањата.

Заради затворените граници и неможноста за викенд на море, вчера и денес во Дојран вриеше од гости. Според регистарските ознаки ги имаше од цела источна Македонија и од Скопје. Дел уживаа во водите на езерото, дел се сончаа трети  пак уживаа на прошетка покрај Дојранското крајбрежје.

Според информациите слободни места во сместувачките капацитети сеуште има и нема некои големи поместувања во однос на цените од изминатата сезона. Шпицот се очекува при крајот на месецов и почетокот на август.

Фото. Б. Терзиев

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.