По барањето на Гостивар за одложување на Купот на Македонија кој требаше да се одржи престојниот викенд, откако еден нивен член го загуби животот во стравичната автобуска несреќа која се случи вчера, Македонската кошаркарска федерација испрати и официјална потврда дека барањето е прифатено.
„Трагична сообраќајна несреќа синоќа ја зави Републиката во црно. Четиринаесет лица го загубија животот меѓу кои и млад кошаркар од клубот Гостивар.Поради новонастанатата ситуација Македонската кошаркарска федерација во согласност со организаторот донесе одлука да го одложи завршниот турнир од Купот на Македонија кој требаше да се одигра претстојниот викенд.Ниту еден збор нема да биде доволна утеха за блиските на настраданите.Искрено сочуство до семејствата и пријателите на загинатите.“ стои во соопштението на МКФ
Новиот термин за одржување на завршницата на Купот ќе биде во периодот од 12 до 14 април.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
