Почна соработката на O. Радовиш со рудниците Бучим и Боров Дол кои ќе донираат дробен матријал тампон за уредување на патишта

233

Градоначалникот Ацо Ристов заедно со директорите Олег Чусовитин и Ивица Карапетров денес во кругот на ЈП „Плаваја“, беа присутни на истоварањето на првата количина на дробен материјал – тампон кој наменски ќе се користи исклучиво за поправки и пробивање на патишта од земјен коловоз и уредување на порои.

,,Поттикнување на висока општествена одговорност и соработка на компаниите со локалната самоуправа е еден од приоритетите со кои мораме да ги подобриме условите за живот на граѓаните во градот и во населените места во општина Радовиш. Денес заедно со раководството на рудниците Бучим и Боров Дол, отвараме ново поглавје во идната долгорочна соработка, која ќе биде од корист за целата општина,, објави градоначалникот на Радовиш Ацо Ристов

Од страна на рудниците е обезбедена вкупна донација од 10.000 м3 дробен материјал и со ова се означува почетокот на долгорочната соработка на општина Радовиш со рудниците Бучим и Боров Дол, во делот на инфраструктурни проекти кои во иднина целосно ќе бидат донирани од нивна страна.

,,Очекуваме максимална поддршка од граѓаните со цел сите заеднички да ја направиме општина Радовиш, поубава, почиста, позелена и модерна урбана општина,, објави на ФБ градончалникот Ристов

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.