Замина борецот за лицата со ретки болести, гевгеличанката Ќаева не се избори со Пулмоналната хипертензија

3629

Ѓурѓица Ќаева од Гевгелија која беше силен борец за лицата со ретки болести денеска почина. Страдаше од Пулмонална хипертензија ретка болест која лицата ги остава без здив. Ќаева постојано ги аламираше надлежните институции дека е потребна рано дијагностицирање на болеста и обезбедување на соодветна терапија независно дали ПХ болеста кај пациентите е примарна или секуднарна.

Ќаева важеше за силен активист и борец за правата на пациентите со ретка болест. Таа цели осум години контуинирано организираше  кампањи дека е потребна терапија  на лицата со ПХ на сметка на Фондот за здраствено осигрување. Формираше и здружение кое секоја година организираше одредени манифестации за да го сврте вниманието на јавноста и надлежните за Пулмоналната хипертензија ретко белодробно заболување

,, Во Европа повеќето земји имаат соодветна грижа, рана дијагноза третман на време. Постојат 16 лекови за пулмонална хипертензија а тука кај нас имаме само два со селективен пристап. Сакаме да имаме подобар квалитет на живот лекови на време. Да се има услови за рано дијагностицирање и третман на сите без разлика дали е примарна или секундарна болест,, кажа минатат година Ќаева кога преку здружението ,,Момент плус’’ организираа хуманитарно трчање од Валандово до Гевгелија преку Богданци

Според сознанијата на здруженијата, во земјава од Пулмонална Хипертензија независно дали е примарна или секундарнаболест  страдаат околу 20 тина пациенти и станува збор за белодрубоно заболување кое пациентите ги остава без здив.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.