Жител на Селемли Општина Богданци, со закана бил принуден да потпише фактури со вредност од 38 000 евра

7375

Вчера во Полициската станица Гази Баба, 45 годишен жител од Селемли, општина Богданци, пријавил дека бил присилен и бил под закана да потпише испратници за фактури во вредност од околу 38.000 евра. Инцидентот како што објави МВР се случил откако У.С.(45) од с.Селемли дошол да реши спор околу плаќање со газда на фирма на ,,Кванаташки пазар” во Скопје, при што кога влегол во фирмата две лица со закана го принудиле да потпише две испратници со две фактури во висина од 2 милиони и 340 илјади денари или околу 38 илјади евра.

„На 04.10.2022 во 14.00 часот во Полициската станица Гази Баба, У.С.(45) од с.Селемли, општина Богданци, пријавил дека откако се договорил со Б.А., сопственик на фирма на „Кванташки пазар” во Скопје, да се видат и да ги надминат недоразбирањата што ги имаат нивните фирми околу плаќање на роба, У.С. дошол пред канцеларијата на Б.А., кој излегувал и му рекол да го почека во просториите на фирмата, каде две лица со закана го принудиле да потпише две испратници со две фактури со суми од по 1.170.000 денари“, информираат од МВР.

Се преземаат мерки за расчистување на случајот, соопшти полицијата.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.