Жителите од Јосифово бараат регулација на водите од Горно Маало, општината бара средства

170

Жители од валандовско Јосифово и Горно Маала ги расчистуваа огромните наноси од песок и чакал од патот кој ги поврзува овие две села и побарааа решавање на повеќегодишниот проблем за прифаќање на атмосферските води  од планинскиот предел на Горно маала и нивно насочување кон реката Вардар

„Водата доаѓа од Горна мала од дождовна река. На секое врнење се случува истиот проблем. Горе се скинати некои каскади и од неодржување досега се разрушени. Реката доаѓа со многу голем нанос“ – коментираат жителите на Јосифово.

Од општина Валандово информираа дека е изработен проект за регулација на водите од Горна Маала до Јосифово но како мала општина немаат доволно средства сами да го реализираат заради што бараат подршка од државата. Не ја исклучуваат можноста за овој проблем и да се задолжат.

„Сработивме комплетно техничката документација на тој проект кој изнесува некаде  над 1 милион евра. Годинава ако не успееме и нема слух и државата, зошто ова е голем проблем, да го решиме заедно, ние како локална самоуправа ќе одиме на планот Б и ќе се задолжиме да го решиме проблемот. Се работи за доста фреквентен дел од оштината.“ – вели Перо Костадинов, градоначалник.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.