Жителите на Ангелци организираа СЛАВА за да се видат сите на едно место после повеќе години (фото)

5171

Жителите од Ангелци – општина Василево и сите што потекнуваат од ова населено место или пак се на времена работа во странство, организираа ,,Ангелска слава’’ пред Црквата ,,Св. Спас’’ на која преку дружење и забава, имаа можност да се видат и да споделат мислења како заеднички да ги решаваат проблемите што ги тишти нивното родно место. Славата ја организираа за време на годишни одмори за да присуствуваат поголем број на лица кои потекнуваат од Ангелци и да дадат свое мислење и видување, што треба да се превземе и како да се унапреди животот во ова населено место. Паралелно се собираа и донации за потребите на новоизградената селска црква ,,Св. Спас’’ во центарот на селото.

Повеќе стотици граѓани присуствуваа на славата која траеше неколку часови. Имаа можност да се видат после неколку години на едно место. И млади и стари, сите уживаа во забавата надополнета со храна и пијалоци кои беа обезбедени по пат на донации и спонзорства од повеќе фирми од ова населено место . Се играше и се пееше за своето Ангелци и сите се беа едногласни дека кога станува збор за родното место треба да се обединат сите, независно каде и да се и да најдат начин да се помогне се во интерес на местото каде што живеат или потекнуваат..

 

 

 

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.