Жедни сме за успех и докажување, сакаме победа против Грузија, вели Јани Атанасов (ВИДЕО)

455

Mакедонскиот репрезентативец Јани Атанасов кој потекнува од струмичко Пиперево и потекнува од школата на Академија Пандев верува дека Македонија може да оствари победи на последните натпревари од Лигата на нации, против Грузија во Тбилиси и против Бугарија во Скопје.

Играчот за врска на Хајдук Сплит најавува голема борбеност и агресивност на нашиот национален тим што треба да резултира со победи на овие дуели.

„Не сме комплетни, но затоа сме ние останатите тука да дадеме сè од себе, ќе играме на три бода во Грузија. Се чекаат само задачите од селекторот, а сè останато е на нас. Во Скопје не бевме доволно агресивни и сега се надевам дека во Грузија ќе покажеме агресивност и желба за победа. Гладни сме за победа, се надевам на три бода“ – изјави Атанасов.

Дуелот меѓу Македонија и Грузија се игра в петок од 18 часот.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.