Екс вработените од Дијос сеуште без пари од стечајната маса – се чека втората авансна распределба

194

Поранешните вработени од струмички „Дијос“ кои се јавуваат како доверители по основ на тужби за неисплатени плати сеуште не знаат дали и кога ќе добијат средства од стечајната маса од овој дрвно преработувачки комплекс.  Речиси една година добиваат ветувања но на нивните сметки ги нема парите иако  етапно се исплаќале сите доверители. Екс вработените стравуваат дека за нив нема да има средства како ситни доверители и бараат одговор од Судскиот совет што се случува со нивниот статус, бидејки објектите од овој комплекс речиси се распродадени.

Стечајниот Судски совет при Основниот суд Скопје – 2 потврдија дека од страна на стечајниот управник имало доставен предлог за втора авансна распределба на сретствата од стечајната маса на „Дијос“ како должник. Треба да се намират доверителите во висина до 18 проценти од нивните утврдени побарувања. Но на планот за втора авансна распределба приговор има доставено Министерството за финансии.

„Предметот е во фаза на одлучување по доставен приговор на предлог планот за втора авансна распределба од министерството за финансии. Судот во најкус можен рок ќе донесе решение по предлогот, откако ќе одлучи по поднесениот приговор и дополнувањата по истиот“ – стои во известувањето од Основниот суд Скопје-2.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.