Едукација за климатски промени преку филм, свртете ги филмовите за енергетска транзиција

122

Од 18 октомври, Младинското кино на ЕУ: Зелен договор е посветено на полето на тензијата помеѓу енергијата и климата. Филмовите и дискусиите во 21 кино во пет земји се придружени со атрактивна понуда за стриминг. Покрај Европската Унија, годинава за прв пат поддржувач е и австриското Министерство за заштита на климата.

Вчеравечер, по трет пат, во рамки на „Младинското кино на ЕУ: Зелен договор“ се организираше филмска проекција за учениците од Град Скопје на тема „Клима и енергетика“. На настанот присуствуваа околу 100 ученици од средните училишта во Скопје, а по филмовите се дискутираше за климатските промени и енергетиката како главен емитер на стакленички гасови.

Даниела Младеновска и Теодора Каракамчева, од Центарот за климатски промени, се осврнаа на ситуацијата во нашата земја и го промовираа новиот сет за електрична потрошувачка во домаќинствата. „Домаќинствата трошат околу 24% од вкупната потрошувачка на енергија кај нас. За споредба, целата индустрија троши околу 23%. Затоа е важно секој дома да размисли и да ги промени навиките за да ја намали потрошувачката на енергија, затоа што кумулативно тоа е многу и има ефект.“

Според Даниела Станковска Плачковска од Агенција за филм „филмот може да испрати еколошка порака на два начина: едниот е преку самата содржина и порака во филмовите што ги гледавме, а другата е преку самата продукција на тој филм. Кај нас, филмот „Стела“ е првиот таков филм кој испрати голема порака до сите во аудиовизуелниот сектор.“

Со организација на овие проекции со физичко присуство сакаат да ги ревитализираат младите, вели Мила Јовановска од организацијата Гоу Грин.

„Со организација на овие проекции со физичко присуство, на некој начин, сакаме да ги ревитализираме младите, повторно да ги активираме на важни климатски дискусии на начин близок за нив – преку филм. Со нивното враќање во училниците оваа година, важно е истовремено и да ги вратиме и вредностите за партиципативност и активност,особено за климатските промени“, вели Јовановска.

Во организација на Гоу Грин Скопје, во рамки на проектот „Младинско кино на ЕУ: Зелен Договор“, кофинансиран од Европската Унија и со поддршка од Австриското министерство за клима, првата филмска проекција беше во мај за денови на ЕУ, потоа во септември за време на европската неделата на мобилност, а оваа проекција беше трета по ред организирана и со поддршка од Град Скопје. Наредната се планира за време на европската недела за намалување на отпад и сите заинтересирани може да се пријават на https://www.youth-cinema.eu/mk

Зелената филмска колекција ќе вклучува не помалку од 25 европски продукции претставени во кината Cineplexx во 21 град во Австрија, Хрватска, Романија, Словенија и Северна Македонија или преку стриминг платформата www.euyc.green.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.