Министерството за образование ова недела објави повторен конкурс за доделување на стипендии на средношколци кои учат стручно образование. Станува збор за вкупно 59 стипендии за средношколци кои учат наставни програми од земјоделската, текстилната, машинската, градежната, угостителско-туристичката и електро техничката струка од прва до четврта година за учебната 2020/2021 година.
Како што стои на веб страната на Министерството, право на стипендии од 2 200 денари месечно во рок од 9 месеци може да добијат средношколци кои се редовни ученици а државјани на Македонија, да имат постигнат минимум контуиниран успех многу добар во досегашното образование, да не повторувале година во текот на образованието и да не се корисници на други стипендии.
Конкурсот трае до 11 Декември а списокот со избраните кандидати ќе бидe објавен на 14.12.2020 година на интернет страницата на Министерството. Повеќе детали за објавените конкурси може да се видат ТУКА
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
