Драмскиот ансамбл при НУЦК Антон Панов, протестираше пред Јавното обвинителство во Струмица

195

Драмскиот ансамбл на НУЦК „Антон Панов“ – Струмица реагираше на одлуката на Основното јавно обвинителство во Струмица кое ја отфрли кривичната пријава против новоназначениот директор на НУЦК „Антон Панов“ и протестираа пред ова институција. Велат дека директорот Васил Бубев со доставувањето документи на распишаниот јавен оглас, ги довел во заблуда  Министерството за култура

,,Деновиве добивме решение од Основното јавно обвинителство во Струмица, со кое се ОТФРЛА пријавата против Васил Бубев за кривично дело ИЗМАМА, поради тоа што пријавенето дело не е кривично дело за кое се гони по службена должност. Целта на нашата пријава беше Обвинителството да ја провери веродостојноста на 5 договори на дело, склучени на волонтерска основа со извесно балетско студио од Радовиш, како и еден договор за дело, повторно склучен на волонтерска основа со невладина организација од Струмица. Обвинителството, одлуката за отфрлање на пријавата ја донело врз основа на Известување и Извештај од Министерството за култура и од Комисијата за селекција на кандидати, како и од прибавените договори од балетското студио и невладината организација.,, изјави на денешниот протест Кољо Черкезов

Како што истакна Черкезов со таквото постапување ОЈО направило суштествени повреди на постапката и повреда на материјалното право при што прашаа зошто Основното јавно обвинителство не го превзеде комплетниот предмет од Министерството за култура и зошто не реагирале по службена должност.

,,Драмскиот ансамбл поднесе ЖАЛБА на ова решение до Вишото јавно обвинителство – Штип во законски определениот рок,, подвлече Черкезов.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.