До 4 000 денари ќе дава општина Струмица за купен велосипед по принципот прв дојден прв услужен

201

Општина Струмица распиша Јавен повик за субвенционирање на граѓаните за  купување велосипеди во 2022 година. Станува збор за субвенции кои ќе бидат наменети на лица-семејства кои купиле велосипед од 30 ти март до 29 ти април но не смеат да бидат корисници на субвенција по овој основ за последните две години ниту пак да бидат вработени во општината или пак во и трите јавни претпријатија ЈПКД Комуналец, Струмица Гас и ЈП Паркиралишта

Право имаат сите граѓани кои се жители на општина Струмица и купиле велосипед во наведениот период. Средствата што Општина Струмица ќе ги субвенционира се во износ од 50% од вредноста на велосипедот, но не повеќе од 4.000,00 денари по лице, со вклучен персонален данок на доход. За ова намена општината планира да потроши 800 илјади денари или да субвенционира купување, минимум околу 200 велосипеди.

,,Вие купете велосипед, а ние ќе го исполниме нашето ветување за завршување на велосипедската инфраструктура во должина од 11 километри во рамките на проектот Струмица – паметен вело град,, објави градоначалникот на Струмица Костадинов

Што се е потребно за субвенциите и кои услови треба да се исполнат може да се виде ТУКА

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.