До 22 март полициски час од 22 до 5 часот секој ден, во Југоистокот нови 33 позитивни на ковид-19

705

Владата на денешната седница ја прифати препораката на Комисијата за заразни болести за воведување на забрана за движење од 22 до 5 часот по зголемените бројки на болни со ковид-19. Полицискиот час ќе важи до 22 март при што до таа дата лицата кои имаат потреба од медицинска грижа во терминот за кој важи полицискиот час ќе мора да пријават во полицијата на 192

Одлуката за забрана за движење не важи за патниците што доаѓаат или заминуваат од меѓународните аеродроми, на кои за време на полицискиот час како дозвола за движење ќе им се признаваат авионските карти. За транспортерите на лица и на стока кои транспортот го спроведуваат за време на забраната за движење како дозвола ќе се прифаќа патниот налог, додека транспортерите што транзитираат ќе имаат обврска најмногу за 3 часа да ја напуштат земјата од еден на друг граничен премин.

Инаку за последните 24 часа во земјава се евидентирани 22 починати и 872 нови случаи на ковид-19. Во Југоистокот се регистрирани 33 новозаболени лица. 11 во Струмица, 7 во Гевгелија, 6 во Радовиш, 5 во Богданци и по еден во Валандово и Дојран.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.