До декември власта најави амбулантно возило за струмичката болница а од утре обезбедиле санитетско возило

191

Струмичката болница ќе добие едно амбулантно возило најдоцна до декември а во меѓувреме  во соработка со Дирекцијата за управување кризи  обезбедено е санитетско возило, објави на ФБ   пратеникот од СДСМ Костадин Костадинов  откако првиот човек на ова установа Наќе Гогов вчера на  ФБ упати апел и побара донации за набавка на возило заради зголемената потреба од транспорт на ковид пациенти до Скопје,  но по силните реакции од јавноста го повлече

,, Со силна посветеност, со многу разговори, разбирање за состојбата во која се наоѓаме и интензивната борба со коронавирусот, заедно со директорот на болницата во Струмица, Наке Гогов, со Дирекцијата за управување со кризи, утре обезбедуваме санитетско комбе за струмичката болница. Ова е дополнително возило од веќе обезбеденото кое го очекуваме до декември,, објави на ФБ пратеникот од СДСМ Костадин Костадинов

Вчера првиот човек на болницата Наќе Гогов објави повик  и апел до своите сограѓани да донираат средства за набавка на болничко возило, поради зачестената потреба од транспорт на ковид пациенти до Штип или скопската клиники откако во Струмица се зголеми бројто на позитивни

,, Заради малиот број болнички возила, заради тоа што се застарени и често се расипуваат, заради ситуацијата во која се наоѓаме со коронавирусот каде транспортот на пациенти е неколкукратно зголемен, ние како ЈЗУ Општа болница – Струмица имаме потреба од ново болничко возило ,, напиша Гогов при што  ја објави и жиро сметката на болницата за донации но по острите критики на јавноста ја повлече и напиша дека не се потребни донации

Опозиционата ВМРО ДПМНЕ  реагираше по објавите на  директорот на струмичката болница но и од владеачката партијата,  бидејки  при расправа на  Комисијата за финансирање и буџет доставиле  амандман за набавка на три амбуланти возила за струмичката болница, но  Власта го одбила

,, Болницата во Струмица бара донации за болнички возила, а власта одби амандман поднесен од нас како пратеници на ВМРО-ДПМНЕ со ребалансот да се набават три нови возила за струмичката болница.  Власта овој амандаман го одби со образложение дека не е потребна таква набавка. Очигледно е дека власта или не ја знае состојбата во струмичката болница или не сака да ги помогне капацитетие само заради тоа што амандманот доаѓа од пратениците на ВМРО ДПМНЕ  ,, објави пратеникот од ова партија  Дајанчо Ефитмов

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.