Дојранчани на референдум ќе се изјаснуваат дали за водовод и канализација треба договор за јавно приватно партнерство

816

Дојран распиша референдум  да го слушне гласот на граѓаните дали се ЗА или ПРОТИВ, да се склучи договор и да се формира јавно приватно претпријатие кое ќе има за задача да ја покрие општината со квалитетно водоснабдување и  канализациони мрежи и да стопанисува со овие комунaлни услуги. Референдумот ќе биде на 2 февруари кога дојранчани ќе излезат на постоечките гласачки места и ќе се изјаснуваат дали треба приватен инвеститор во ова обалст. Дојран постојано има потреба од подобрување на водоводната и канализациона мрежаа и изградба на пречистителни станици но сегашното јавно комунално претпријатие ,,Полин’’ нема капацитет да инвестира во комуналната инфраструктура а паралелно има долгови од околу половина милион евра.

Градоначалникот Ангов и администрацијата веќе ги почнаа средбите со граѓаните за да ја престават идејата и да ги презентираат бенефитите од можното склучување на ваков договор, од кој доколку се одлучат позитивно граѓаните,  бенефит ќе има и општината бидејки ќе биде партнер во новото комунално претпријатие. Бенефит  ќе имаат и граѓаните кои ќе добијат  нова водоснабдителна и канализациона мрежа со  пречистителни станици насекаде.

,, Ова не значи продажба на ЈП,,Комуналец – Полин’’. Тие ќе продолжат со собирање на отпад и оддржување на јавните зелени површини.  Сакам да нагласам дека и цената за водата за пиење нема да ја утврдува приватниот партнер, бидејки рамката ја дава Регулаторна а ја потврдува Советот што значи ние ја имаме контролата над цената . Во  првите три години приватниот партнер кој и да е,  ќе мора да инвестира околу  8, 1 милион евра во подобрување на  водоводната и канализациона мрежа во Нов и Стар Дојран и населените места  Црничани, Фурка, Николиќ’’ вели Ангов кој тврди дека приватниот партнер нема да произведува амбалажирана вода бидејки со договорот воведена е и таква клаузула

Ако референдумот биде успешен и позитивен, Дојран ќе ја продолжи постапката за формирање на ново комунално по пат на јавно приватно партнерство за водовод и канализација.  Во Дојран право на глас за престојниот референдм има околу 2 750 граѓани кои ќе се изјаснуваат на осум гласачки места

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.