Доделени награди на најдобрите наставници, воспитувачи и негуватели во општина Струмица

225

По повод Денот на Сесловенските просветители – Светите Кирил и Методиј, на синоќешната свеченост во Струмица, градоначалникот Костадин Костадинов на најдобрите наставници и стручни соработници во училиштата, како и на воспитувач и негувател во градинката им додели плакети за исклучителни резултати во работата и афирмацијата на училиштето или градинката.

,,На сите наградени им честитам на заслужените награди со уметнички приказ на Сесловенските просветители – Светите Кирил и Методиј, и им посакувам уште многу успеси во работата, а бидејќи ова наградување на најуспешните наставници, стручни соработници, воспитувачи и негуватели ќе прерасне во убава традиција, им посакувам и на сите останати да постигнуваат исклучителни резултати во работата и во афирмирањето на институциите во кои работат, а со тоа и на општина Струмица, со што би станале потенцијални добитници на наградата, во наредните години,, објави градоначалникот Костадинов

Постхумно и беше доделено признание на Атиџе Мемедова, поранешна наставничка во ООУ „Маршал Тито“ и поранешен член на Советот на Општина Струмица.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.