Догодина Босилово ќе ја добие првата детска градинка со капацитет за 80 деца

123

За десетина месеци треба да биде готова и ставена во функција првата детска градинка во Босилово која деновиве почна интензивно се гради. Станува збор за градинка со капацитет од 80 тина деца од предучилишна возраст која според градоначалникот Зоран Зимбаков треба да биде изградена во рок од 200 дена по принцип клуч на рака.

Министерката за труд и социјална политика истакна дека приоритет на Владата е отварање на градинки во руралните средини со цел жените да бидат и поактивни на пазарот на трудот бидејки анализите покажале дека 50 од работоспособните жени морале да седат дома и да ги гледат децата.

Oд мај 2017 до мај годинава Министерството за труд и социјална политика   инвестираше во изградба, реконструкција и опремување на вкупно 31 објект за детска заштита а во тек е изградба и опремување на уште 12 објекти.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.