Дел од градската скривница во Струмица ќе стане уметничка галерија, пренамената чини 190 илјади евра

440

Деновиве почнаа работите за пренамена и адаптација на деловен простор  во центарот на Струмица во уметничка галерија. Станува збор за простор под плоштадот кој беше дел од градската скривница а порано се користеше за регистрација на бракови. Како што информираа од општина Струмица станува збор за простор со вкупна површина од 319 метри квадартни во кој ќе има изложбен простор, депо за слики, дневно депо, канцеларија, бифе и простор за седење и санитарни јазли.

Освен што ќе се врши пренамена и адаптација на просторот, проектот предвидува и изградба на настрешница која како архитектонски елемент треба да ја задоволи функцијата на наткривување на влезот во галеријата, но и да претставува маркантна точка на плоштадот за обележување на влезот во уметничката галерија, соопштија од општината

Вкупната вредност на овој проект Пренамена и адаптација на деловен простор во уметничка галерија“ чини околу околу 11 милиони и 700 илјади денари или 190 илјади евра – средства обезбедни од министерството за култура и општина Струмица, што е за половина милион помалку од проценката дека ќе бидат потрошени.

Пренамената и адаптацијата на просторот во уметничка галерија ја работи фирмата Мајстор Компани од Босилово која на распишаниот тендер достави најниска цена од 105 илјади евра а се пријавија вкупно пет компании. Средства за овој дел од проектот се обезбедени од Министерството за култура додека настрешницата ќе ја изведува фирмата Жикол од Струмица која на распишаниот тендер во конкуренција на три фирми достави понуда од 85 илјади евра, кои ќе бидат платени од општинската каса

Според склучените договори со фирмите изведувачи, уметничката галерија во Струмица треба да биде готова во рок од три месеци

,,Со уметничката галерија ќе се овозможи поголемо доближување на уметноста до граѓаните на Струмица. Покрај организирање на изложби, овој простор ќе може да се користи и за работилници, предавања, часови со најразлични содржини од областа на културата’’ информираа од општина Струмица

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.