Две лица приведени за извршени кражби во радовишко – едниот крадел, другиот го прикривал

794

На 09.01.2023 во 11.45 часот на магистралниот пат Штип-Радовиш, полициски службеници од Одделението за внатрешни работи од Радовиш го лишиле од слобода М.Ј.(19) од Штип. Тој се сомничи дека во текот на 2022 година извршил повеќе кривични дела тешки кражби и кражби на подрачје на Радовиш.

Истиот ден во 13.50 часот во Радовиш, полициски службеници го лишиле од слобода и Ч.Ш.(21) од Радовиш, кој се сомничи дека му помагал на М.Ј. во вршење на делата, прикривајќи ги предметите кои М.Ј. ги одземал при вршење на делата.

Со двајцата биле извршени службени разговори во полициска станица, а биле пронајдени и предметите кои биле одземени и ќе бидат вратени на сопствениците. По целосно документирање на случаите, против нив ќе бидат поднесени соодветни пријави.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.