Грците го затворија граничниот премин Дојрани до 4 август и за патнички и за товарен сообраќај

1512

Грците го затворија граничниот премин Дојрани кон Македонија како за патнички така и за товарен сообраќај. Досега на овој премин слободно функционираше товарниот а низ него во земјава можеа да влегуваат грците. Но согласно новите протоколи на грчката влада за рестриктивни мерки за ковид-19 овој граничен премин целосно се затвора за сообраќај до 4 август. Веста ја пренесе и МВР кои добиле извстување од грчките гранични служби

,,Министерството за внатрешни работи  ги известува граѓаните дека до граничната служба на граничниот премин „Стар Дојран“ од страна на грчката гранична служба од граничниот премин ,, Дојрани“ , а во врска со новите протоколи на грчката влада за рестрикитивни мерки  за ковид-19, доставено е известување дека грчкиот граничен премин ,,Дојрани“ ќе биде затворен за патнички и товарен сообраќај во периодот од 22.07 (среда) од  00.00 часот до 04.08.2020 (вторник). Сите патнички и товарни моторни возила што планираат да остварат влез и излез од и во Грција во  наведениот период, тоа ќе може да го остварат на грчкиот граничен премин ,,Евзони“, се вели во соопштението од МВР

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.