Граѓански организации од Радовиш со помош на општината ќе реализираат проекти за подобри услови за живот граѓаните

182

Неколку проекти ќе реализираат граѓанските организации од Радовиш кои од општината добија средства за реализација, по претходно спроведена постапка согласно Методологијата и по донесена Одлука на Советот. Преставници на граѓанските здруженија ги склучија договорите со општината со што ќе почнат да ги имплементираат проектите кои значително ќе го подобри ликот и условите за живот во општина Радовиш

Како што објави градоначалникот на Радовиш Ацо Ристов во соработка со здруженијата општината  ќе добие јавни тоалети и план за одржлива урбана мобилност, ќе добие ново партерно уредување на просторот околу Јаворот, ќе бидат изработени и поставени дваесет информативни табли за починати лица а планината Плачковица ќе стане модерна туристичка атракција со современи инфо-табли и нови модерни содржини.

,,Соработката со граѓанскиот сектор мора да биде подигната на највисоко ниво и дека со тоа уште повеќе заеднички ке придонесеме кон подобрување на условите за живот во нашата општина,, објави градоначалникот Ристов

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.