Граѓански активисти од Струмица, Гевгелија, Радовиш и Богданци вклучени во Локал актив – медиум на заедницата

389

Активисти од граѓански организации од Источниот и Југоисточниот регион на земјава во рамките на проектот ,,Поттикнување на граѓанскиот ангажман во локалното владеење“ ќе прават содржини за Медиумот на локалната заедница – Локал актив .  Станува збор за проект кој има за цел да го подобри пристапот до јавната сфера на ранливите групи граѓани, преку продор до јавноста на прашањата поврзани со нивните комуникациски права.

На работилницита што се одржа во Штип присуствува 13 преставници од 10 граѓански организации од двата региона. Тие во организација на Институтот Ресис од Скопје учеа како да генерираат локални теми вредни за објавување, на кој начин да размислуваат во истражувањето на темите, како да ги поткрепат своите стории и анализи и кои се можните извори што треба да ги консултираат за да известат сеопфатно за темата. Во иднина преставниците на граѓанските организации под менторство на Весна Коловска и Ване Трајков ќе генерираат новинарски стории кои ќе бидат објавувани на Локал актив.

Од Југоистокот во овој проект партиципираат  преставници од Организација на жени – Струмица, Регионален центра за одржлив развој РЦОР – Гевгелија, Женска Акција од Радовиш и Полимат 13 од Богданци. Тие следниве неколку месеци ќе креираат стории од значење за нивната локална заедница, со особен акцент на проблемите со кои се соочуваат ранливите групи кои живеат во овие два региона.

РЕСИС активностите ги спроведува со локална поддршка на Фондацијата за развој на локалната заедница – Штип, а проектот е поддржан од непрофитната фондација од САД National Endowment for Democracy (NED). РАботилницата се одржа во Граѓанскиот ресурсен центар во Штип.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.