Градоначалникот на Струмица апелираше на почитување на мерките за превенција против коронавирусот (видео)

968

Општина Струмица со сите свои ресурси кои што ги има на располагање е максимално вклучена во спроведувањето на владините мерки а презеде дополнителни мерки за спречување на ширењето на корона вирусот. Секојдневно ја следиме состојбата, одржуваме координативни состаноци со претставниците на општинските јавни претпријатија, институции и организации и ги утврдуваме мерките за коишто сметаме дека превентивно ќе делуваат. Ова го истакна на денешната прес конференција првиот човек на Струмица Коста Јаневски кој подвлече дека се формирани и мобилни тимови за помош

,,Формирани се мобилни тимови од волонтери коишто сами се пријавија во општината и волонтери од Општинскиот Црвен крст за достава на прехранбени производи, лекови, средства за лична хигиена и други продукти на стари лица, хронично болни и лица со попречености, а со цел нивна заштита од потенцијалниот ризик истите да се заразат од Covid 19. Тие веќе се на терен и ја спроведуваат оваа мерка’’, истакна Јаневски  кој подвлече дека е извршена дезинфекција и ќе се продолжи и по населените места

Градоначалникот Јаневски апелираше до сите граѓани сериозно да ги почитуваат и следат мерките на Владата а во интерес на здравјето на граѓаните истакна дека ако има потреба стои на располагање на здравствените институции

,,Јас сум градоначалник, но и лекар по професија, за кого здравјето на граѓаните ми е пред се. Следејќи ја актуелната состојба подготвен сум и стојам на располагање на здравствените институции како лекар доколку за тоа има потреба, бидејќи така ќе го дадам мојот најголем влог во заштитата на здравјето на моите сограѓани. Здравјето пред и над се. Тоа е нашето најголемо богатство – кажа градоначалникот на  Коста Јаневски.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.