Градинката во струмичко Муртино ставена во функција и од вторник ќе згрижува деца а во Куклиш до крајот на неделата

229

Околу 30 тина дечиња од предучилишна возраст од вторник ќе бидат сместени во градинката во населеното место Муртино општина Струмица, која денеска беше ставена во функција. Премиерот Зоран Заев, министерката за труд и социјална политика Мила Царовска, градоначалникот Коста Јаневски, претседателот на Советот Марјан Даскаловски, директорот на ЈОУГД ,,Детска Радост’’ Васил Бубев заедно со пратениците Катерина Кузмановска и Костадин Костадинов денеска ја посетија градинката која е сместена во поранешната општинска зграда во Муртино. Истата се адаптираше со средства од ИПА фондовите, проект администриран од Светска Банка и министерството за финансии а со свои средства учестуваше и општина Струмица

Градинката е целосно опремена и ќе го реши проблемот за сместување на дечињата од овој дел на општина Струмица. Како што не информираше директорот на ЈОУГД Детска радост, во градинката од вторник ќе бидат сместени околу 30 тина дечиња а во текот на престојната недела се очекува да биде ставена и во функција градинката во Куклиш која е со капацитет од 57 дечиња.

,,Градинката изградена по најсовремени стандарди и која веќе е комплетно подготвена за згрижување на дечињата од ова населено место. И на локално и централно ниво, децата се наш приоритет и ќе продлжиме и понатаму со заедничките проекти за доброто на децата и заедницата“ – кажа градоначалникот Јаневски

Во својата изјава за медиуми, премиерот Заев истакна дека приоритет на Владата е да обезбеди услови за правилен ран детски развој, преку проширување на капацитетите на градинките и јакнењето на професионалните компетенции на кадарот, со што се гради вистински квалитетно предучилишно образование.

„Децата се нашето богатство, нашиот силен потенцијал и грижата за нив, за нивниот ран и правилен развој е нашиот врвен приоритет, и оваа градинка го сведочи тоа. И не е само оваа градинка. За две години, на територијата на целата наша земја изградивме, или е во тек е изградбата и проектите за близу 70 градинки. Таква иницијатива, за толку кус период, не е забележана во историјата на Северна Македонија“, рече премиерот Заев.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.