Горивата поевтинуваат од ноќеска на полноќ, Регулаторна ги соопшти новите цени

441

Малопродажните цени на нафтените деривати согласно Методологијата за формирање на цените, се намалуваат во просек за 1,58 проценти, информираат од Регулаторна комисија за енергетика и водени ресурси.

Малопродажните цени на бензинот „еуросупер БС-95“ и на екстра лесното масло за домаќинство се намалуваат за еден денар за литар, и со тоа малопродажната цена на „еуросупер БС-95“ изнесува 70,50 денари за литар, додека малопродажната цена на екстра-лесното масло за домаќинство (ЕЛ-1) изнесува 61 денар за литар.

Малопродажната цена на бензинот „еуросупер БС-98“, се намалува за еден денар и половина денар, и со тоа малопродажната цена на „еуросупер БС-98“ изнесува 72 денари за литар.

Малопродажната цена на дизелот се намалува за половина денар за литар и со тоа малопродажната цена на дизелот изнесува 61,50 денари за литар.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.