Горан беше лидер и ментор на одбојкарските терени, кажа капитенот на ОК Џио кои организираат турнир во негова чест

880

,,Големите личности никогаш не се забораваат. Горан беше прекрасна личност лидер и ментор на одбојкарските терени но и надвор од нив. Очекувам на овој турнир да играме финале и тоа против бугарскиот тим Пирин од Разлог”. Вака истакна капитенот на ОК Џио Струмица Марјан Урдов, клуб кој утре и задутре организира силен меѓународен одбојкарски турнир во чест на Горан Панов – близанко.

,,Натпреварите ќе се играат во спортската сала Парк а влезот е бесплатен. Според програмата. Турнирот ќе се игра по принцип на полуфинале и финале. Утре турнирот ќе го отворат екипите на Пирин и Будуќност, а во вториот натпревар настапуваме ние против Борац. Победниците ќе се сретнат во финалето, а поразените ќе играат во натпревар за трето место,, информираше секретарот на клубот и играч, Ристо Николов.

Мечот Будуќност-Пирин почнува во 17 часот додека дуелот меѓу Џио Струмица и Борец од Бања лука е закажан во утре во 19 часот и 30 минути

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.