Голманот Дејан Илиев стана хит во полскиот фудбалски шампионат по неговата одбрана во мечот против Кјелце (видео)

1045

Македонски репрезентативен голман, струмичанeцот Дејан Илиев стана хит во полскиот фудбалски шампионат откако во мечот со Кјелце имаше фантастична одбрана за својот тим Јагјелонија при крајот на првото полувреме. Како што е познато, во јануари лондонски Арсенал го отстапи Илиев во полскиот прволигаш Јагјелонија каде ќе биде до јуни ова година. Како што ни изјави Илиев кој лани есента беше во словачкиот шампионат, во Полска и Јагјелонија е одлично прифатен бидејки таму настапуваат голем број на фудбалери од Балканот.

,,Ќе го дадам својот максимум и се што знам. Мислам дека тоа го докажав во мечот со Кјелце. Клубот има амбиции за излез во  Европа односно да обезбеди учество во плеј офот. Екипата има квалитет и се надевам дека ќе го постигнеме успехот колективно. Јас се надевам дека ќе помогнам на тимот’’, изјави за Дрнка.Мк  струмичкиот инернационалец Дејан Илиев кој тврди дека брзо се навикнал на новата средина имајки во предвид дека за неполна година смени три места Арсенал, словачки Сердед и сега полски Јагјелонија

По 22 одиграни кола Јагјеланија  е на средината од табелата но со реални шанси за посок пласман со оглед на малата бодовна разлика на екипите од горниот дел од табелата. Илиев на мрежата на полскиот прволгиаш беше чувар во два меча.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.