Гевгелија нема да распишува тендер, за Нова година ќе се украсува со елки и украси кои ги има општината

819

Гевгелија во пресрет на новогодишните и божиќните празници ќе биде новогодишно украсена со  елки и украси со кои располага самата општина. Како што стои во информацијата пласирана на нивниот веб сајт, ова година општина Гевгелија не планира да троши дополнителни средства за украсување за што нема да биде распишана Јавна набавка како што беше во минатите години

Ваквата одлука е донесена поради енергетската криза и потребата од заштеда на средства кажал градоначалникот на Гевгелија Андон Сарамандов

,,Одлучено е градот и неговото централно градско подрачје да бидат украсени со новогодишните украси, со кои располага Oпштината. На тој начин нема да им го ускратиме задоволството на граѓаните да го почувствуваат новогодишниот амбиент. Во ЈПКД „Комуналец“ и надлежните служби веќе се подготвуваат за новогодишното украсување и од наредната недела ќе започнат со поставувањето на елката и новогодишните украси,, нагласува градоначалникот Сарамандов во информацијата што ја пласираше општината на својата веб страна

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.