Гевгелија наскоро ќе добие стационар за бездомни животни со кој ќе стопанисува Комуналец

2400

Првиот човек на општина Гевгелија Андон Сарамандов објави дека во завршна фаза е адаптацијата на објект кај Пречистителната станица за Стадионар за бездомни кучиња. Тој заедно со директорот ЈПКД Комуналец, Раско Чочков, извршија увид во градежните активности и динамиката на работа за изградба на стационарот со кој ќе стопанисува токму комуналното за што се формира нова организациона единица во рамките на претпријатието.

,,Со отворањето на стационарот се решава еден од горливите проблеми во градот што го предизвикуваат кучињата скитници. Во завршна фаза е изградбата и уредувањето на Стационар за бездомни животни. Изведбените работи на објектот крај Пречистителната станица се во тек, а во рамките на ЈПКД„Комуналец“ се формира нова организациона единица, која ќе се занимава со третирање на кучиња скитници.  Активностите за адаптирање на посебниот објект за прифатилиште на кучињата скитници се одвиваат согласно стандардите на Агенцијата за храна и ветеринарство,, објави градоначалникот Андон Сарамандов

Инаку ЈПКД Комуналец последните три  години (2020, 2021 и 2022 година) за ,,Услуги за заловување, стручен третман на кучиња скитници и нерегистрирани кучиња,, на распишани јавни набавки има склучено договори во висина од 28 779 евра или секоја година по 9 593 евра. Таа услуга според склучените договори ја реализира фирмата Анри Вет од Стојаково општина Богданци.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.