Гевгелиски Кожув не го дава врвот, ги надигра и ФМП за шеста победа во првенството

1639

Кошаркарите на Кожув од Гевгелија ја забележаа и шестата победа во шампионатот откако на свој терен славеа против Академија ФМП со 87:78 со која го задржаа првото место со вкупно 14 бода, идентично како и Гостивар, МЗТ и Еуроникел но имаат најдобра кош разлика од сите тимови досега.

Гевгеличани лошо го почнаа мечот и го загубија првиот период 1со 8:15 но до крајот на првото полувреме ја подобрија играта во одбраната и успеа да ја анулираат негативата за да дојдат до плус 2 (37:35). Во второто полувреме Кожув одигра далеку подобро и поефикасно. Третиот период го добија со 26:17 кој очигледно беше клучен за победата, иако ФМП се закани во последниот четвртина кога промашија 6 слободни што можеби беше и клучно за новиот пораз на скопскиот состав.

Литванецот Зданавичиус кој постигна дури 31 поена а имаше и 7 скока беше најефикасен на теренот во салата 25 април во Гевгелија. Втор по ефикасност беше Мареро со 18 поени кој имаше и 3 асистенции, една блокада и дури 25 скока. По ефикасност треба да се издвои и Стајич кој постигна 15 поени сите од линијата за три и Караџовски со 14 поени.

Следното коло гевгеличани играат со Работнички во Скопје и ќе биде дерби на колото.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.