Втор ден чад од депонијата Шапкар, струмички Комуналец тврди дека пожарот бил подметнат

1471

Повеќе од 24 часа тлее пожарот во депонијата надлежност на ЈП Комуналец која што ја користат општините Струмица и Василево а се наоѓа во непосредна близина на населеното место Добрашинци. Пожарот избувнал во текот на вчерашниот ден и со часови интервенирале  противпожарни единици од Струмица и Радовиш но и градежна механизација која работи на потрупувањ на запалените појаси на депонијата Шапкар. Од струмички Комуналец тврдат дека пожарот е најверојатно подметнат пред се од собирачи на пласитика кои постојано оперираат во депонијата .

,,Пожарот најверојатно е подметнат од собирачи на пласитка кои живеат во околните села а на депонијата одат за старо железо и пластика. Тој избувна на локација каде што изминативе денови се складираше отпадот и не е можно да дојде до самозапалување. Ситуацијата со пожарот сега е под контрола но до целосно негово целосно санирање потребно е време, оти пола депонија гори,, изјави Бранко Ѓеоргиев од ЈП Комуналец од Струмица.

Ова не е првпат да гори депонијата Шапкар кај населеното место Добрашинци која според проекциите на Југоисточниот плански регион и Владата треба да прерасне во регионална за десетте општини од овој дел на државата. Таму дневно се транспортираат и депонираат околу 190 метри кубни од општините Струмица и Василево.

(Реагираа и активистите од Здрава Котлина кои побараа итно решавање на проблемот бидејки чадот депонијата кај Добрашинци се шири по цела струмичка котлина)

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.