Вработените во Општина Струмица, Комуналец, Паркиралишта, Струмица Гас ќе добијат покачување на платите од 2 806 ден

440

Градоначалникот на Струмица, Костадин Костадинов и директорите на општинските јавни претпријатија денеска постигнаа договор со синдикатите за зголемување на платите на вработените од 2.806 денари. Ова го објавија од Сојузот на синдикатите  чии преставници вчера беа во псоета на оптшина Струмица а веќе десетина дена штрајкуваат барајки покачување на платите и потпишување на колективни договори

,,Со потпишување на Колективниот договор во Општина Струмица помеѓу Градоначалникот, Костадинов и Претседателот на УПОЗ, Деановски, и потпишаните спогодби помеѓу Директорите и Претседателот на СУТКОЗ и Претседателите на синдикалните организации, платите на сите вработени во Општина Струмица, ЈКП Струмица, ЈПЕД Струмица гас, ЈП Паркиралишта Струмица, ЈПКД Комуналец Струмица се зголемуваат за 2806 денари во нето. Во јавните претпријатија согласно потпишаните спогодби, ќе се склучат и Колективни договори на ниво на работодавач со кои ќе биде регулирано ова право.,, стои во информацијата од ССМ

Градоначалникот Костадинов истакна дека во овие сложени услови за работа и на општината и на јавните претпријатија им е тешко да работат, но најтешко им е на работниците на кои треба да им се помогне кога им е најтешко

Примерот на Општина Струмица е најдобриот пример кој треба да го следат и останатите општини, со оглед на фактот што во исти ден се потпишаа сите потребни документи, Колективен договор  и спогодби,  за да се обезбеди ова право на работниците по пат на социјален дијалог, потенцираа од ССМ

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.