Во ФК Академија Пандев ќе има ремонт, размислувам дали да застанам на чело на клубот, вели Сашко Пандев

2548

Спортскиот портал Спортмедиа попладнево објави дека во ФК Академија Пандев се очекува промени во УО и играчкиот состав. Според неофицијалните информации на овој портал, Сашко Пандев најверојатно ќе застане на чело на клубот а дека од прволигашкиот состав ќе заминат дури од 6 првотимци за да се даде простор на младите.

Капитенот на Академијата Сашко Пандев за Дрнка.МК потврди дека ќе има подмладување, но допрва ќе се знае дали тој ќе застане на чело на клубот. Потврди дека на дел од фудбалерите на кои им истекуваат договорите ќе бидат ослободени. Според него станува збор за 4-5 фудбалери без да ги прецизира нивните имиња

,, Точно е дека ќе има ,,проветрување’’ во клубот во насока на давање шанса на младите и во упаравата и во првиот тим. Разговаравме со брат ми Горан на ова тема но сеуште нема ништо конкретно. Лично сеуште размислувам дали да застанам на чело на ФК Академија Пандев или да продолжам со играчката кариера,, ни изјави Сашко Пандев кој се споменува за нов претседател на клубот.

Нашите извори брифираат дека во наредниот период објави дека ќе се ангажираат млади тренери во сите школи а според Спортмедиа клубот има намера да му се заблагодари на Илија Матеничаров.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.