Во услови на затворени зелени пазари, МЗШВ со апликација ,,Понуда-Побарувачка’’ за тргување со произведените количини

1560

Министерството за земјоделство шумарство и водостопанство на земјоделците и откупувачите им ја понуди апликацијата  ,,Понуда-Побарувачка’’ преку која ќе може да тргуваат со понудените и потребните колични зеленчук или други земјоделски производи а со тоа да ги следат и постигнатите цени. Како што информира од МЗШВ со ова апликација која се наоѓа на страната на Земјоделскиот пазарен информативен систем ЗИПС на земјоделците им се овозможува во овие услови на вонредна состојба кога голем дел од пазарите (кванташки, зелени пазари, добиточни пазари) не се во функција, сепак да можат да тргуваат со своите производи.

Апликацијата овозможува:

  • Да се понудат односно побаруваат количини и цени на земјоделски производи или добиток директно од страна на производителите на земјоделски производи од домашно потекло,
  • Да се понудат односно побаруваат количини и цени на земјоделски производи или добиток од страна на заинтересираните потрошувачи, купувачи, откупувачи и трговци на производи од домашно потекло,
  • Зинтересираните страни (понудувачи и побарувачи) да најдат заеднички интерес да договорат и направат трговска трансакција.

Целта на оваа корисна алатка е да се овозможи брз и лесен пристап до податоците за расположливите количини и цени на земјоделски производи и добиток во реален временски период како и континуиранo следење и обезбедување на транспарентен преглед на земјоделски производи од домашно потекло и движење на цените на земјоделските пазари.

Веб апликацијата ,,Понуда –Побарувачка“ на земјоделски производи, технички и административно ја одржува Одделението за ЗПИС во Секторот за анализа на земјоделска политика во МЗШВ.

Во услови на вонредна состојба како што е моменталната предизвикана од пандемијата со коронавирусот, согласно препораките на Владата за социјално дистанцирање, заинтересираните понудувачи или баратели на определен производ, барањето може да го достават такашто најпрво ќе го превземат образецот „Барање за понуда“ поставен на апликацијата, а потоа пополнетиот образец ке го испратат преку e-mail до подрачната единица на МЗШВ или АПРЗ.

Сите оние кои не се во можност да користат интернет, потребно е телефонски да искомуницираат со подрачната единица на МЗШВ или АПРЗ, а пазарниот репортер во нивно име ќе пополни образец и ќе ја објави понудата/побарувачката во системот.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.