Во Струмица ќе се формира Инфо пункт кој ќе ги поврзува младите невработени лица и бизнис заедницата за вработување

2618

Во рамките на проектот „Младите – клуч за иднината на бизнис секторот“ кој го спроведува Центарот на заедницата на Струмица во партнерство со  Струмичка Бизнис заедница ќе се формира на Инфо пункт кој ќе располага со база на информации од граѓанскиот и бизнис секоторот и ќе служи како медијатор, односно ќе биде врската помеѓу компаниите и младите невработени лица.

Проектот има за цел на подобри  положбата на младите невработени лица и лица кои се дел од маргинализирани групи на пазарот на трудот преку одредување на компетитивните предности со кои што тие лица располагаат и преку поттикнување интерес кај младите за доусовршување, доквалификација,  подобрување на вештините и можностите за вработување, со организирање на специјални обуки

Инфо пунктот ќе располага со база на информации за бизнис секторот и граѓанскиот сектор во општина Струмица за да ги поврзе младите со овие два сектори и согласно потребите на пазарот за да се придонесе за намалување на невработеноста.

Проектот „Младите – клуч за иднината на бизнис секторот“ се спроведува во рамките на „Регионалната програма за локална демократија во Западен Балкан – ReLOaD“, која е финансирана од Европската унија (ЕУ), а ја спроведува Програмата за развој на Обединетите нации (УНДП).

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.