Во Струмица, отворен нов пункт за земање брисеви за коронавирус, откако досегашниот го затвори инспекција

458

Во Струмица се отвори нов пункт за земање брисови за тестирање за ковид-19, откако Државниот здравствен инспекторат го затвори досегашниот кој функционираше седум месеци во посебни простории од станбена зграда.Затворањето на пунктот уследи окако станарите испратија петиција до надлежните дека им е загрозено здравјето со секојдневното присуство на пациенти суспектни на ковид-19.

Директорот на струмичкиот Центар за јавно здравје Петре Витанов вели дека денеска почна да работи пунктот во кругот на старата струмичка болница, во сопствност на Здравствениот дом. Адаптирани се соодветни простории, одделени од зградата, за да не дојде до мешање со останатите пациенти.

„Со решение од инспекторатот, моравме да го дислоцираме пунктот, бидејќи се појавија реакции од станарите, иако стануваше збор за посебни простории со посебен влез. Адаптиравме простории во старата струмичка болница и таму ќе се земат брисови. За среќа, ниту вчера ниту денеска немаше закажано термин за тестирање“, изјави директорот Витанов.

Од стартот на епидемијата, во Струмица и регионот се регистрирани 65 заразени лица, од кои две починаа, а во моментов има 21 активен случај на ковид-19.

Досегашниот пункт кој беше во просториите на 7 мата урбана зедница во стамбена зграда по реакции на станарите, по што одржа прес и опозиционата ВМРО ДПМНЕ Државниот санитарен и здравствен инспекторат го затвори за земање на брисеви за тестирање на ковид во Струмица и му наложи на Центарот за јавно здравје да отвори во Јавна здравствена установа

 

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.