Во Струмица нови 20 позитивни и по Скопје стана втор регион со најмногу активни случаи на ковид-19

340

Во последните 24 часа  регистрирани се 383 нови случаи на ковид-19 в земјава од направени 1.648 тестирања, соопшти Министерството за здравство. Од градовите во Југоистокот во Струмица има 20 нови позитивни, во Гевгелија 8, Радовиш 7 и Валандово 4.

Со денешните новозаболени во струмичко, бројката на активни случаи со вирусот ковид-19 се искачи на 264. Според статистиката на Институтот за јавно здравје овој регион е втор во земјава во моментов со најмногу позитивни кои сеуште не се излекувани веднаш зад Скопје.

Според завршените епидемиолошки анализи во моментов бројот на заразени по градови во Југоистокот  е следна:

• Гевгелија 201, активни 95 (11 лица од ПЕ Гевгелија се жители на Дојран, 29 на Богданци )
• Струмица 428, активни 264
• Радовиш 139, активни 57
• Валандово 65, активни 45

Инаку за последните седум дена во струмичко  регистрирани се 130 позитивни. На инфективното одделение во Струмица сите креветеи се полни а полно е и во новоадаптираниот ковид центар во поранешните хируршки амбуланти. Струмичката болница бара дополнителен простор за сместување на ковид пациенти со полесна клиничка слика.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.