Во Струмица во сабота ќе се трча – ,,Струмица на улица’’ по трет пат за професионалци, рекреативци, почетници….

167

Во организација на АК Беласица Ран во сабота ќе се одржи третото издание на атлетскиот настан ,,Струмица на улица,, на кој  околу 300 професионални спортисти , рекреативци, ентузијасти и почетници ќе трчат по струмичките улици. Станува збор за полумаратонска трка за професионалците но има и делници за оние кои сакаат да го почуствуваат духот на маратонското трчање на делници од 10 и 5 километри.

Струмица на улица започнува во 19 часот од центарот на градот при што се трча делница од приблично пет километри. Професионалците ќе имаат за задача четири пати да ја истрачат делницата од центарот па се до СОУ Никола Карев и назад до кај кружниот тек кај Риверсофт, но на истата може да се трча и рекреативно на 5 километри но оние што се подготовени да истрчат и 10 километри

,,Трчањето не е само спорт, трчањето е начин на живот, трчањето не учи на дисциплина, истрајност, одлучност. Трчањето е посебна сила која постојано не движи напред и не поттикнува да истрчаме уште 1 километар и да надминеме уште еден предизвик во животот,, велат од АК Беласица Ран

Со цел непречено и успешно реализирање на настанот ја информираме јавноста дека во периодот од 18:00 часот до 22:00 часот под времен режим на сообраќај ќе се одвива сообраќајот на улиците:-бул.Маршал Тито (од ТЦ Глобал до Македонски Пошти, во двата правци);-ул.„Балканска“ (од Македонски Пошти до крстосница со ул.”Крушевска Република”, во двата правци); ул.„ Маршал Тито“(од крстосница со ул.„Крушевска Република“ до крстосница со ул.,,Елка Јанкова”, во двата правци); -бул.„Гоце Делчев“ (од Македонски Пошти до кружен тек на ул.,,Младинска”, во двата правци); – ул.„Ленинова“ (од ТЦ Глобал до кружниот тек со ул.„Цветан Димов“).

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.