Во сите општините од Југоистокот значителен раст на невработеноста – каква е сликата по Центрите за вработување

760

Пандемијата со коронавирусот значително го зголеми бројот на невработени во општините од Југоистокот, ако се имаат во предвид податоците на Агенцијата за вработување од март до октомври ова година. За овој период од 6 месеци, речиси во сите центри зголемен е бројот на активни баратели на работа како резултат на загубени работни места и затворање на дел од  фирмите од ковидкризата или пак лица кои за првпат се пријавуваат за работа.

Најголем раст на невработени или активни баратели на работа од март до октомври има забележано во центрите во Гевгелија и Валандово.  Во Гевгелискиот Центар кој ги опфаќа и општините Богданци и Дојран, на 31 март како активни баратели или невработени биле пријавени 962 лица а таа бројка на 30 септември е 1 940 лица што е зголемување за 978 лица . Во Валандово на крајот на март имало 513 лица што се пријавувале во Центарот за вработување а таа бројка на почетокот на октомври изнесува 945 што е зголување за 84%

(преглед на активни баратели на работа заклучно со 30.09.2020)

Во Центарот во Струмица кој ги опслужува и општините Василево, Босилово и Ново Село, од март до октомври бројката на невработени или активни баратели на работа е зголемена за 2 035 лица. На 31 март имало 4 486 лица кои барале работа а таа бројката на 31.09.2020 година, изнесува 6 521 лица што преставува раст за 45%. Најмал раст на невработени има регистрирано во Центарот за вработување во Радовиш задолжен и за општина Конче. На крајот на март ова година, во Радовиш имало 2 096 невработени или активни баратели на работа додека на 30 ти септември 2 771 лице.

( број на активни баратели во општините од Југоистокот на 22 октомври)

Во март ова година во земјава, кога почна ковид кризата во евиденцијата на Агенцијата за вработување на Македоинија биле регистрирани 107 732 невработени лица, во април тој број се зголемил на 114 762 лица, во мај на 121 187 лица, во јуни 133 455 лица. Раст на невработените или бројката на актвини баратели расте и во јули кога се забележани  141 777 лица, во август достигнува 144 759 невработени лица  додека во септември бројката изнесува 151 359 лица.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.