Во Радовиш и Сандански Бугарија ќе има тркалезните маси за ублажување на последиците од климатските промени

222

Изминативе два дена на 8-ми и 9-ти јуни во просториите на Центарот за развој на Југоисточниот плански регион во Струмица, се одржа третиот состанок на проектниот тим во рамките на проектот „Заеднички мерки за спречување и намалување на последиците од катастрофи во општините Сандански и Радовиш“ финансиран од Европската Унија преку Интеррег ИПА Програмата за прекугранична соработка помеѓу Р. Бугарија – Р. С. Македонија.

По долгите рестриктивни мерки во време на пандемија Ковид-19, ова беше прв состанок со физичко присуство организиран од страна на Центарот за развој на Југоисточниот плански регион на која што работна средба присуствуваа членовите на проектниот тим од општина Сандански, Бугарија.

Главната цел на состанокот на тимот во рамки на проектот беше да се детерминира спроведувањето, логистиката и организацијата на тркалезните маси за ублажување на последиците од климатските промени во двете земји, како и текот на зелените работилници и другите преостанати активности до крајот на проектот.

На тркалезните маси за размена на најдобри практики, искуства и знаења за различните мерки за ублажување на последиците од климатските промени во Р.Бугарија и Р.С.Македонија ќе земат учество 30 различни чинители на заедниците во заедничкиот прекуграничен регион, каде експерти од двата региони ќе разработат низа теми поврзани со заштитата на животната средина од климатски промени како и спречувањето на природни непогоди.

Првата тркалезна маса е планирана да се одржи во Сандански, Р.Бугарија на 21ви и 22ри Јуни 2021 година, додека пак втората тркалезна маса е планирана да се одржи во Струмица, Р.С.Македонија на 29ти и 30ти Јуни 2021 година.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.