Во наредниот период нема да се игра кошарка, КФСМ ги прекина сите натпреварувања заради коронавирусот

147

Кошаркарската Федерација донесе одлука да се прекинат сите натпреварувања под нивна палка заради превенција од ширење на коронавирусот. Според известувањето од федерацијата, од денеска 12 март сите натпревари од Прва, Втора во машка и женска конуренција како и во младинските лиги се октажуваат на неодредено време.

Како што соопштуваат од КФСМ ова се прави со цел да се заштити здравјето и безбедноста на играчите, тренерите и службените лица. Досега мечевите се играа без публика.

,,Имајки ја во предвид моменталната состојба со појавата и ширењето на Корона вирусот (COVID-19), како и препораките на Владата на РСМ и Светската Здравствена Организација, со цел да се заштити здравјето и безбедноста на играчите, тренерите, службените лица и навивачите, раководството на Кошаркарската федерација на Северна Македонија објавува дека сите натпревари во организација на федерацијата од денеска, четврток, 12 март 2020 година со одложуваат на неодреден временски период,, стои во известувањето од Кошаркарската Федерација

КФСМ ќе продолжи да ја следи состојбата на дневна основа и ќе ги оценува опциите за продолжување или не, на соодветните натпревари кога и ако ситуацијата тоа го дозволи.

Ова значи дека во наредниот период се додека не даде зелено светло КФСМ, нема воопшто да играат екипите на КК Кожув од Гевгелија, второлигашот Струмица, но и младинските кошаркарски екипи што се регистрирани во лигите на Федерацијата

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.