Во Дојран почнува тридневниот Д Фестивал, на шест сцени ќе настапат над 50 музички имиња од цел свет

362

Денеска стартува деветото издание на Д фестивал на брегот на Дојранското Езеро и до недела ќе нуди целодневна музичка програма која ќе биде распоредена на шест сцени а паралелно ќе биат понудени и креативни и едукативни содржини, перформанси и презентации

Над 50 тина бендови, музичари и диџеи ја сочинуваат годинашната програма. На големата сцена ќе има и големи светски имиња („Напалм дет“, „Ноизија“, Хинди Захра, Акуа Нару, Кептн Хук, Том Нови). Од  регионалната музичка сцена на Д фестивал во Дојран ќе бидат („Дисциплина кичме“, Војко В), како и избор од најдоброто од домашната музика (Влатко Стефановски, Кирил Џајковски, „Суперхикс“, „Фолтин“, Страјк).

На годинашниот фестивал ќе биде Плоштарт, простор исполнет со едукативни, креативни и забавни содржини, трибини, перформанси, презентации, поезија, јога…

Програмата на главната бина секоја вечер ќе почнува во 21.45 часот, а денеска таму ќе настапат новата хрватска музичка атракција Војко В, домашната хип хоп ѕвезда Страјк, француското денс поп дуо „Офенбах“ и Кирил Џајковски, придружуван од британскиот пејач Лајон Ди.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.