Во Гевгелија ќе се прават брзи ковид тестови, најави министерот Филипче за да има проток на патници од Грција

802

Министерот за здравство Венко Филипче  најави дека идната недела ќе се прошири лабараторијата во гевгелиската општа болница за да се прават брзи ПЦР тестови за потребите на грчките државјани, на кои матичната земја им ги бара при влез од Македонија. Заради немање можност за брзи ПЦР тестови во ова општина ,  во гевгелиските казина, стоматолошки ординации, маркети, пазари речиси и да нема грци кои беа двигатели на локалната економија.  Гевгелиските бизнисмени  на средбата со  вицепремиерот за економија Фатмир Бетиќи и министерот за здравство Венко Филипче им се пожалија дека трпат огромни загуби од одсуството на грчки државјани кои биле спремни и да платат изработка на ПЦР тест во земјава.

,,Овој регион, односно во Гевгелија има специфика затоа што огромен дел од сегментите, посебно во приватното здравство, пред се, во делот на стоматологијата, зависи од функционирањето на протокот на луѓе низ границата. На средбата разговаравме за начинот на којшто се имплементираат протоколите и за проблемите кои се создаваат во време на целокупниот овој процес. Зеднички се согласивме дека треба да се надгради делот од лабараторискиот капацитет во Општата болница во Гевгелија, поточно апарат за брзо тестирање од Корона вирус кој се очекува до крајот на оваа недела да го добиеме, а ќе биде чекор напред кон олеснување на протокот на граѓани од Грција,, рече министерот Филипче

Директорот на гевгелиската болница Димитар Крџев не информираше дека имаат просторни услови за инсталирање на дополнителна опрема за изработка на брзи ПЦР тестови. Како што истакна тој доколку  добијат дозвола од здравствените власти,  ковид тестови  ќе  изработуваат со гевгелсикиот Центар за јавно здравје во одредени временски интервали со оглед на редуциранито кадар што го имаат.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.