Eпедемиологот, д-р Сашко Олумчев, од Центарот за јавно здравје-ПЕ, излезе со официјални резултати за состојбата на четиричленото семејство кое беше заболено од Корона вирус. Тој истакна дека и вториот контролен тест на четворицата е негативен, по што од денес излегуваат од карантин, објави општина Гевгелија на својата официјална веб страница.
Со излекувањето на семејството, во Гевгелија веќе нема заболени од Корона вирус, со што кластерот на позитивни лица е затворен.
,,Иако моменталната состојба е стабилна, мерките кои се препорачани од Министерството за здравство и мерките на Општинскиот кризен штаб си остануваат во сила и гевгеличани, исто како и до сега, треба дисциплинирано да се придржуваат што повеќе до нив бидејќи и самото придржување кон тие мерки покажа дека дава извонредни резултати’’ ја пренесува општина Гевгелија апелот на д-р Сашко Олумчев.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
