Во Василево се асфалтира дел од улицата од црквата до училиштето

203

„После подолг временски период се изведуваат финалните работи односно асфалтирањето на дел од локален пат во Василево покрај ООУ Гоце Делчев .Граѓаните поминаа низ тежок период во овој дел на Василево. Активностите ќе продолжат и на другиот дел од улицата“, информираше преку својот ФБ профил, https://www.facebook.com/vasilevo24/ градоначалникот на општина Василево, Славе Андонов, кој присуствуваше на асфалтирањето на дел од улицата што води од црквата Пресвета Богородица до ООУ „Гоце Делчев“, Василево.

Вкупната должина на оваа улица на која се изведува целосна реконструкција,  изнесува 720 метри, а Буџетот за нејзина реализација околу 6,5 милиони денари од кои 2 000 000 денари општината ги обезбеди преку Бирото за регионален развој и околу 4,5 милиони од сопствени извори на приходи.

Градежните активности на оваа улица продолжуваат и во текот на наредните денови се до нејзино конечно завршување. Изведувач  е градежната компанија Евроградба Инженеринг.

Изминатите денови целосно беше завршено асфалтирањето на локалниот пат Ново Владевци – старо Владевци, чија вкупна должине е околу 2 км. со што жителите на ова населено место добија квалитетно сообраќајно решение кое ги поврзува двата дела под населеното место.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.