Во акциска контрола казнети 88 возачи од Југоистокот за брзо возење, најмногу во Струмица

513

Вкупно 88 возачи од Југоистокот се казнети при вчерашната акциска контрола на полицијата за брзо возење по патиштата и улиците во овој дел на државата. За време на контролата која траеле 6 часа, констатирани се и други 10 прекршока од Законот за безбедност во сообраќајот и Законот за возила кои исто така се санкционирани, соопштија од СВР Струмица

,,На 28.03.2021 во периодот од 12.00 до 18.00 часот на подрачјето на Секторот за внатрешни работи Струмица била спроведена акциска контрола над возачи кои управуваат возила со брзина поголема од дозволената. Притоа, биле откриени 98 прекршоци, од кои 88 по акциската контрола и 10 останати прекршоци, кои биле соодветно санкционирани,, стои во информацијата на СВР Струмица

По полициски станици најмногу казни за брзо возење се изречени на подрачјето на Струмица. Санкционирани се дури 34 возачи кои не се придржувале до означената брзина а санкциониран е прекршок и по друг основ. На подрачјето на Полициската станица од Гевгелија во вчерашната акција за брзо возење се изречени 26 казни но и 7 казни за други прекршока. На подрачјето на ПС Радовиш санкционирани се 21 возач за брзо возење и еден прекршок по друг основ а на територијата на ПС Валандово изречени се 7 казни за неприлагодена брзина и плус еден за друг прекршок.

фото архива МВР

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.