Владо Илиевски донираше 100 топки за најмладите кошаркари на КК Струмица со кои и тренираше !

627

Поранешниот кошаркарски репрезентативец Владо Илиевски при престојот во родниот град Струмица беше со најмладите кошаркари на КК ,,Струмица”. Како што објави клубот на социјалните мрежи, тој имал тренинг со генерацијата М12 во ДТВ ,,Партизан” при што на децата им презентираше дел од кошаркарските тактики.

,,Владо Илиевски се врати на местото од каде што започна се. Заедно со тренерите од КК Струмица одржа тренинг со генерацијата М12, на којшто работеше со младите кошаркари и им пренесе мал дел од кошаркарската магија. Голема благодарност до него што е дел од младинската школа на КК Струмица, за кошаркарското знаење што ни го пренесува, како и за обезбедената донација од 100 кошаркарски топки за нашите кошаркари.,, објави КК Струмица на својот ФБ профил

Владо Илиевски од Општина Струмица завчера доби Награда за животно дело по повод празникот ,,Св.15 Тивериополски свештеномаченици” за неговиот придонес во развојот на кошарката но и афирмацијата на Струмица во сите места каде што играше Илиевски кој беше дел и од македонската кошаркарска репрезентација.

,,Многу години живеев, играв и тренирав во многу различни земји, ги учев нивните култури, запознавав многу различни луѓе, но силата секогаш ја црпев од мојата Струмица. Вашата поддршка и љубовта што ми ја пружавте на тој пат беа мојот ветер во грб за да продолжам напред, да се борам понатаму да ги освојувам кошаркарските врвови,, потенцираше Владо Илиевски на доделувањето на наградата

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.