Викендов на Паљурци кај Богданци, КУП во ловење крап на дно – 30 тина риболовци од екс Југославија ќе ловат постојано 50 часа

733

Престојниот викенд на браната ,,Паљурци” кај Богданци, во организација на македонската федерација во спортски риболов и  ЗСР ,,Костреш” од Богданци како домаќин ќе се одржи 50 часовен турнир во ловење крап од дно. Станува збор за 11 тиот по ред Јадранско-подунавски Куп на кој спортските риболовци од цела поранешна Југославија  ќе се докажуваат во мајсториите и техниките како да се извлечат и уловат поголем број парчиња крап.

На турнирот на ,,Паљурци” ќе земат учество  11 екипи од Македонија, Србија, Словенија, Хрватска и Црна Гора со вкупно 29 натпреварувачи. Меѓу пријавените се и четири екипи од земјава но и ЗСР ,,Костреш” од Богданци кој е домаќин. Владо Мишев не информираше дека се е подготвено за Купот кој започнува во петок во 10 часот а ќе заврши во недела во 12 часот

,, Станува збор за КУП на кој екипите ќе се обидат во тие 50 часа да уловат што поголем број крапови со поголема тежина. За трите најдобри екипи ќе има награди а паралелно ќе се избере и риболовец кој ќе улови крап капиталец” не информираше Владо Мишев од ЗСР ,,Костреш” од Богданци

фото архива на ЗСР ,, Костреш’’ Богданци и Стефан Спирковски

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.