Вечерва во Дојран Д Фестивал со македонски музичари и огрaничен број посетители

692

Вечерва во Дојран ќе се одржи јубилејното 10 то издание на Д Фестивал кој ќе биде со ограничен број на посетители и со домашни изведувачи. Организаторите истакнуваат дека ќе биде зголемен бројот на редари за одржување дистанца и носење маски заради заштита од Ковид-19.

На просторот кај Гранит во Дојран подигната е главната бина и се обележани  локациите за стоење на посетителите за вечерашново издание на Д Фестивал  согласно владините препораки и мерки за одржување на настани на отворено. Станува збор за простор од 10 илјади квадратни метри а капацитетот како што истакнуваат од организаторите-Пасворд продукција ќе биде ограничен на само 30 одсто

Годинашново издание на фестивалот целосно ќе биде посветено на домашната музичка сцена. Суперхикс, ЛД Пистолеро, Бернајс Прогпаганда, Плутос даутс, Донплаја се само дел од бендовите кои ќе настапат вечерва  на главната сцена во Дојран за ограничениот број гости.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.